लातूर, माणिक मुंडे : पत्नीच्या अनैतिक संबंधातुन आत्महत्या; दोन जणांविरुध्द गुन्हा दाखल अहमदपूर तालुक्यातील वरवंटी तांडा येथे एका व्यक्ताने आपल्या राहत्या घरी गळफास घेऊन आत्महत्या केल्याची घटना २७ जुलै रोजी घडली असून पत्नीच्या अनैतिक संबंधातुन आत्महत्या केली असल्याची फिर्याद मयताच्या भावाने दिली असल्यामुळे२८ जुलै रोजी दोन जणां विरूध्द अहमदपूर पोलीसात गुन्हा दाखल करण्यात आला आहे.
पत्नीच्या अनैतिक संबंधातुन आत्महत्या; दोन जणांविरुध्द गुन्हा दाखल याविषयी पोलीसांकडून मिळालेली माहीती अशी की, तालुक्यातील वरवंटी तांडा येथील भिम उत्तम चव्हाण हे २७ जुलै दुपारी आपल्या राहत्या पलंगावर बेशुध्द अवस्थेत पडले होते. याची माहीती नातेवाईकांना समजताच अहमदपूर येथील खाजगी हॉस्पीटल मध्ये दाखल करण्यात आले असता डॉक्टरांनी सदरील व्यक्तीला मयत घोषीत केले. त्यानंतर येथीलच शासकीय ग्रामीण रुग्णालयात मयताचे शवविच्छेदन करण्यात आले. शवविच्छेदन अवहालात गळफास घेऊन आत्महत्या केल्याचे निष्पन्न झाले.
यासंदर्भात मयताचा सख्खा भाऊ अर्जुन उत्तम चव्हाण याने मयत भावाची पत्नी आणी गावातीलच देवीदास राजाराम चव्हाण यांचे गेले अनेक वर्षापासुन अनैतिक संबंथ होते.यामुळेच माझ्या भावाने मानसीक ताण तणावातुन गळफास घेतला असल्याची फिर्याद अहमदपूर पोलीसत दिली असुन दिलेल्या फिर्यादीवरून अहमदपूर पोलीसात २८ जुलै रोजी मयताची पत्नी कल्पना भिम चव्हाण व देविदास राजाराम चव्हाण रा वरवंटी तांडा यांच्या विरूध्द बि.एन.एस प्रमाणे गुन्हा दाखल करण्यात येऊन मयताच्या पत्नीस अटक करण्यात आली आहे. पुढील तपास पोलीस उपनिरिक्षक आनंद श्रीमंगल हे करीत आहेत.
