लातूर, माणिक मुंडे :छातीत सुरा खुपसून तरुणाची आत्महत्या; फेसबुक लाईव्हवर धक्कादायक कृत्य, लातूर जिल्ह्यातील घटना निलंगा तालुक्यातील अंबुलगा बु येथील भरत बाला जी सागावे (वय ३२) या तरुणाने फेसबुक लाईव्हवर आत्महत्या करण्याची घोषणा करत स्वतःच्या छातीत सुरा खुपसून जीवन संपवल्याची धक्कादायक घटना घडली.
भरत अनेक वर्षांपासून मुंबईत वास्तव्यास होता. ९ ऑगस्ट रोजी दुपारी १२.३० च्या सुमारास तो निलंगा शहरातील लांबोटकर पेट्रोल पंपाजवळ आंब्याच्या झाडाखाली बसून फेसबुक लाईव्ह करत होता. “मी आत्महत्या करत आहे” असे सांगत त्याने काही वेळानंतर छातीत सुरा खुपसला. नातेवाईकांनी फोन करून समजवण्याचा प्रयत्न केला, मात्र त्याने फोन बंद करून टाकला होता.
शोध घेतल्यानंतर तो पेट्रोल पंपाजवळ रक्ताच्या थारोळ्यात जखमी अवस्थेत सापडला. त्याला तात्काळ लातूरमधील सह्याद्री हॉस्पिटलमध्ये हलवण्यात आले, परंतु उपचार सुरू असतानाच काही वेळात त्याचा मृत्यू झाला. आत्महत्येची कारणे अद्याप अस्पष्ट आहेत.
